Chennai, Lber:
Naba ki skul ba la pynïaid da ka Adi Dravidar bad ka Tribal Welfare Department ki la shah buh jingthoh ba ki la long ki skul kiba duna tam ha kaba ïadei bad ka jingkiew jong ki khynnah skul ha ka liang ka pule-puthi, ki heh nongpynïaid kiba dei khmih ïa ki skul ki la ong ba kan jin da la bha lada ïa baroh ki jaka bathylli jong ki nonghikai yn sa pyndap, ha kaba yn sa lah ban pyntreikam bha ha kaba ïadei bad ki rukom ai jinghikai.
Kumba la khmih bniah la ong ba ka jingduna jong ki khynnah skul ka la long na ka daw jong ka jingduna ki nonghikai.
Ka jingbym lah ban leh bha jong ki khynnah ka la nang pynjur ïa ka jingdawa ba kine ki skul kiba don kumba 1,466 tylli ha ka jylla ki la dei ban shah kynthup hapoh ka School Education Department khnang ban lah ban pyntikna ha kaba ïadei bad ka jingtreikam bha jong ki.
Ha ka jingpynbna resol na ka bynta ki class 10, la ïoh jingtip ba ki skul Adi Dravidar Welfare ka la don ïa kiba pass da 78.11 percentage, ki skul ka Tribal Welfare ki la ïoh da 78.37 percentage. Haba ïanujor halor kane, ki skul sorkar ki la don ïa ka percentage ba pass jong ki khynnah da 85.25.
Ha ka klas 12, katba ka percentage ka la long 89 ha ki skul sorkar, ka la long tang 82.21 bad 86 na ka bynta ki skul Adi Dravidar Welfare bad Tribal Welfare.
Kiba bun na ki heh ba dei khmih ha ka liang ka pule puthi, kiba la treilang bad ki khynnah skul riewlum, ki la ong ba ka jingbym lah ban pyndap ïa ki jaka basah thylli ha ka kam hikai ka la long kawei na ki daw jong ka jinghiar jong ki skul ha ki jingpule.
