Mr. D. Pakyntein
Hato ngi la klet mo, ia kito ki nongtihdewiong ba la sah kut hapoh ki krem barit, ba jylliew, bad bajrong ? La pynsangeh ia ka jingsei ia ki hadien 75sngi (Nohprah 13, 2018 – Lber 2, 2019), ki sngi bad ki por kiba bajrong tam ha ka Ri India, bad lehse kaba rem dor tam. Haduh ba hap wan iarap na ka Coal India, Kirloskar Brothers, Odisha Fire Services team, the Indian Air Force, and the Indian Navy, balei khlem khot pat ia ka Indian Army? Imat ka sorkar jylla, ruh ka la klet mo ba ka shah shain kuna ha ka NGH haduh tyngka 100(shispah) klur. Hynrei dang don ki satlip/mutlop, kiba kwah ban pan ia ki jingpynshisha tang ban iada rapjot ia ka jingtih badjingkhaii dewiong ba beain. Ka NGT ruh ka la hukum ia kito ki 31(laiphew-wei) tylli ki karkhana thang dewiong ba beain ba kin siew haduh tyngka 41.75klur, ka bai pynjakhlia ia ka mariang, bad bakim lah ban bud ia ka ain ki kanun. Ka NGT ruh, ka shainkuna, ia kiwei ki jylla da ki hajarklur, namarba kim lah ban tehlakam ia ki jingpynjakhlia ia ka mariang kaba kynthup ia ki wah bad duriaw ruh.
Kat kum ka kyndon (schedule) ba 11 bad 12 jong ka Konstitution jong ka Ri India, ka dei ka kamram jong ka jylla bad ki municipalities,ban pynbiang ia jingkhuid, jingsuba khnang ban pyntikna ba baroh kin ioh ka lyer bad um dih bakhuid na ka bynta jingim jong baroh ki nongshongshnong ha ka Ri. Ym tharai Rs.109 klur kam dap. Ka NGT kan sa khein katno spah klur kan shain kuna ia ka jylla jongngi, katta ka mut (EC=PI x N x R x S x LF) bad Tyngka 2 crores shi million litres shisngi (MLD) bad Tyngka.300 shi ton na ka bynta ka nuid ka bym pat pynkhuid bha kat kum ka ain, namar ka jingjakhlia ka wah Umkhrah, Umshyrpi, bad kiwei, ka tuid bad lang lut ha ka wah Umiam bad ki bynta kiba shapoh jong ka wah. Mano ba siew ia katai ka 100 klur bad ki jinglut jingsep ? ? ? Mynta ngim pat tip sa katno spah klur ki paidbah kin hap siew. Baroh, ngi pynjakhlia ia ka mariang. Kumta, ngi dei ban siew.
