Shillong, Lber 28:
Ka Kick Start Football Academy bad ka Madanryting SCC ki la ïasam mar shi dor-thong (point) ha ka lympung ïalehkai SSA Under-10 (Boys) Football League 2023, hadien ba ki la ïakhaid mar 1-1 kol ha ka sngi Ba-ar ha madan Polo.
Ha kane ka jingïakhun baroh ar kynhun ki la pyrshang ban ïakhun tyngeh. Pynban dei ka Kick Start kaba la ïoh ban pynkhih jar nyngkong eh lyngba u Remdor Kharkrang ha ka minit kaba 16, hynrei ka Madanryting ka la lah ban pynphai kylla lyngba u Wandrick Mawrie ha ka minit kaba 40.
Ka jingïalehkai ha ka sngi Balang kan long hapdeng ka Summit Academy pyrshah ïa ka Nangkiew Irat ha ka por 4:15 janmiet.
