Mumbai:
Hadien ka jingpynpaw ka Priyanka ia ki daw halor ka jingmih noh jong ka na Bollywood la ioh khubor ba ka Kangana Ranaut,Vivek Agnihotri bad u Amaal ki la ai jing iaroh ia kane ka puron bad ha kajuh ka por ai jingkyrshan ia ka bad pynrem ruh ia kito kiba thmu ban shim kabu ia ka Priyanka ha ka por ba ka dang don ha Bollywood.
Ka Priyanka kaba la kun bad set ia ka jingshah leh shiliang khmat ha Bollywood bad ka jingduh jong ka ban ak ha ki katto katne ki phlim kam banse ban kren bad ban phla pyrthei halor kane bad kmen pat ba mynta ka la suk mynsiem ha Holly wood bad kam donkam shuh ban khuslai kumba long ha ki por ba ka dang don bynta bad ka Bolly wood.
U Vivek Agnihotri hadien ka jingphla pyrthei ka Priyanka halor kaei kaba ka la mad ha Bolly wood ula ai jingkyrshan ia kane ka puron bad kmen ruh ba kam shim la salia ban buhrieh ia kaei kaba la jia ia ka.
Katkum ka jing iathuh ka Priyanka dei ruh na ka daw jong ki katto katne ba ka la rai ban sangeh noh ban ak phlim shipor ha Bolly wood bad rai ban phai khmat bad ban pynleit jingmut ha ki phlim Hollywood.
Ka Kangana pat ha ba iakren halor kane ka jingphla ka Priyanka ka la pynpaw ba kane baroh ka dei tang namar ka jingleh jong u Karan Johar bad pynrem jur ruh ia u.
Ka Priyanka ha ka por ba ka dang don ha Bolly wood ka la sngew myllung bha ialade naba kam shim la ioh ban ak ha ki phlim kiba biang ka khana bad sngew ba kane ka dei namar ka jingleh jong ki katto katne kiba kwah ruh ban khñiot ia ka.
Kane ka puron kaba la rung ak phlim ha Holly wood ha u 2015 mynta kam donkam shuh ban pyrkhat khuslai naba ki phlim ba ka ioh ak ha Hollywood ki la biang bad ai jingmyntoi bha ia ka.
Ha kajuh ka ka por kam da donkam than ban pyrkhat khuslai halor ka kam ba ka trei naba ka la ioh pahuh bha mynta. Hynrei wat hadien jong kaei kaba la wan jia ia ka jingim jong ka, ka Priyanka ka la shim ia ka rai ba kan ym iehnoh ia ka Bollywood bad rai ban soi ia ki phlim ba la wan tyrwa ia ka.
Haba iakren halor ki phlim ia ka Priyanka ngin sa iohi ha ka Jee Le Zaraa lem bad ka Katrina Kaif bad Alia Bhatt.
