Los Angeles:
U Matt Damon i kumba un nym lah shuh ban pynkut ia ka jingkynad bad u Jimmy Kimmel ha kaba une u tyngshop ha kawei na ki interview ba ula shah khot sngewbha ula shah kylli jingkylli la u don jingthmu ne em ban pynkut noh ia ka jingkynad bad u Jimmy ha kaba ka jubab ba ula ai ka long ba da lei lei ruh un nym lah satia ban klet ia kane.
Na ka por sha por u Matt bad u Jimmy ki la pyni ba kim shim sngewtynnad uwei ia uwei pat bad dei ruh na kane ka daw ba ka long kaba eh ia ki ba kin pynkut ia ka jingkynad kaba la don hapdeng jong ki.
Wat lada kine arngut ki leit shim bynta sha kino kino ki rynsan pynban kim ju kwah satia ban iakynduh markhmat naba kim lah shah ban peit uwei ia uwei pat.
Ym shim tip na kano ka daw ba u Matt bad u Jimmy ki shun uwei ia uwei pat bad u Matt ula rai ba da lei lei ruh un nym treh satia ban iajuh iajan bad u Jimmy bad un ialeh beit ban kiar na utei u nongpyniaid jong ka Talk Show.
Nalor kane la bunsien u Matt ula sin ia u Jimmy kum u briew uba sniew uba u donkam ban kiar na ka jingim jong u.
Bun ki la pyrshang ban wanrah ka jingpyniasuk hapdeng kine arngut pynban ka long pat kaba eh naba baroh arngut i kum ba kim lah satia ban klet ia ka jingiashun bad jingisih iwei ia iwei pat.
