Shillong, Lber 30:
Ka Sacred Heart FT Academy ka la pynjem khnap ïa ka Challenger FT Academy haduh 11-0 kol ha ka lympung ïalehkai SSA Under-10 (Boys) Football league 2023 ha ka sngi Palei ha madan Polo.
Ha kane ka jingïakhun u Aibankmen Khongriah u la ïoh ban thep marwei haduh saw kol ha ka minit kaba 4, 7, 12 & 23. Katba ïa ki shi kol la thep da u Wankitbok Nongsiej (10), Ïalam Nongkhar (11), Wanteibok Massar (19), Badondor Jana (40), Banïaityngshaiñ Kurbah (46).
Ka Challenger ka ïarap pynthep ar kol na ka bynta ka Sacred Heart ha ka minit kaba 27 & 32 hashwa ban kan mad ïa ka jingshah rem kaba ar ha kane ka lympung.
Ka jingïalehkai ha ka sngi Thohdieng kan long hapdeng ka PFR FT Academy pyrshah ïa ka Mylliem Grass Root ha ka por 4:15 janmiet.
