Los Angeles:
Ka puron ka phlim Slumdog Million -aire ka Freida Pinto kan sa wan ban iuhkjat biang sha India hadien 3 snem kum shi bynta ka jingiateh bad kawei ka kompani.
Ka Freida kaba la shong la sah ha US ha kane ka jingwan jong ka sha India kan sa leit ban iuhkjat ia ka Mumbai ban shim bynta ha ka Christian Dior’s Special Fashion Showcase.Ka Freida ka la shah khot ban wan shim bynta ha katei ka Show kaba long kyrpang ruh tang na ka bynta kane ka ri.
Kane ka puron kaba dang bunkam na ka bynta ki katto katne ki phlim thymmai kan sa hap ban iehnoh shwa ia ki kam ba ka trei ban pynleit jingmut bad ban shim khia shwa ban pyndep ia ki kam kiba long kyrkieh.
Haba iakren halor ka jingwan jong ka sha India ka Freida ka la pynpaw ka jingsngewkmen bakhraw halor kane bad khamtam lei lei ban mih khmat na ka bynta ka Dior.
Ka Freida nalor ka kam ak phlim ka la seng ruh la ka jong ka kompani pynmih phlim ka Freebird Films bad mynta ka dang pynkhreh ban pynmih ia ka ‘The Henna Artist’ bad Huma Abedin’s biopic.
Ka ‘The Henna Artist‘ ka long ka phlim kaba la shim na ka kot ba la thoh da ka Alka Joshi.Nalor ka jingwan shim bynta jong ka sha India ka Freida ha ryngkat ka Sharon Stone mynta u snem kin sa shah pynkup burom da ka New York Women in Film & Television (NY WIFT) Muse Awards.
