Mumbai:
Uwei na ki Nongpynmih phlim u Mahaveer Jain u la kren halor kawei na ki phlim ba la shna da u Bhansali ka Padmaavat da kaba ong ba kane ka phlim ka la dei ban iohrah ia ka Oscar ha ki snem ba la leit namar ba kane ka phlim ka pyni ruh ia ka Philosphy, Kolshor jong kane ka ri bad kaba sngewsih pat ka long ba ym shim la phah ia ka ba kan iakhun ha ka Oscars lem bad kiwei kiwei ki phlim jong ki ri ka pyrthei.
Ha ka jingsngew ba shimet jong u Mahaveer ka Padmaavat ka pyni shisha ia ka jingriewspah jong ka kolshor jong kane ka ri bad kane ka phlim ka la kamai bha ym tang ha ka Box Office jong ka India hynrei wat jong kiwei kiwei ki ri ka pyrthei ruh kumjuh.
Shuh shuh u Mahaveer ula ban jur ruh ba ha ka Oscars bun ki khmih lynti ba ki phlim kiba la pyniakhun na India ha ki kyrdan bapher bapher ki dei kiba iathuh ia ka jing riewspah jong ka riti kolshor kane ka ri hynrei sngewsih pat ba don ki bym sngewthuh ne tip ia kane.
Ka Padmaavat kaba la ak da u Ranveer, Deepika bad Shahid Kapoor ka dei ka phlim kaba iathuh halor kawei na ki Syiem bakhraw jong ki Rajput ka Rani Padmavati bad la pynmih ia ka ha u 2018. Kawei kaba itynnad bha shaphang kane ka phlim ka long ki jingrwai ki jingshad kiba pyni ia ka niam tynrai bad kiwei kiwei.
Lada dei ba baroh baroh ki mynjur ban phah ia ka Padmaavat ban iakhun sha ka Oscars lehse kane ka phlim kan wanrah nam bad burom ia ka ri India baroh kawei bad khamtam lei lei ia u nongshna kane ka phlim u Bhansali bad baroh ki dkhot.
