Mumbai:
Ka Rekha kaba long kawei na ki puron ba la slem jong ka Bollywood ka la khring ia ka Creative Director jong ka Dior ha ka jingleit shim bynta ha kawei na ki Fashion Event kaba la long ha Mumbai. Ka Maria Garzia Chiuri kaba la wan iashim bynta lang ha kane ka jingialang kam lah satia khlem da ai jingiaroh ia ka jingbha briew bad jingneh met jong ka Rekha bad kaba shu i samla sah.
Ka Rekha ha katei ka Fashion Event ba ka la shim bynta ka la phong da ka saree rong lieh bad ka Maria Garzia marsien iohi ia ka Rekha ha kane ka rynsan ka la leit ban ai khublei bad kdup ieit ruh ia ka ba ka ioh ia ka lad ban iakynduh syndon markhmat bad ka puron ba paw jong ka Hindi Cinema.
Ka Rekha wat haduh mynta ka dang pynshoh jingieit ia kiba bun halor ka jingneh met bad ka jingnang ban riam ban beit bad bunsien sha kino kino ki jaka ba ka leit ban shim bynta ka ju shah iaroh ha kaba iadei bad kane.
Kum ban shu pynkynmaw ka Rekha ka long ruh kawei na ki puron ka Bollywood kaba sngewtynnad bha ban pynlang bad ban kynshew ia ki jait saree bapher bapher bad sha ki jaka ba ka shah khot sngewbha ka ju pynphuh pynieng da ki saree ba shongkhia jong ka.
Ka jingwan shim bynta jong ka Maria Grazia sha India ka dei ban pyllait paidbah ia ka Fall 2023 bad kane ka CD jong ka Dior ka ju angnud bha ban ioh wan iuhkjat sha India bad kmen ba mynta ka kynti ka la pynurlong ia kane.
Kane ka dei ka sien nyngkong ba ka Dior kan ioh ban pynlong ia ka Calendar Show ha India ha kaba ki khlur ak phlim ka Bollywood bad ha kajuh ka por ki Model jong kane ka ri ki la ioh ban wan shim bynta lang.
Ha ka jingiakren ka Maria bad ki lad pathai khubor hadien ka jing ia kynduh jong ka bad ka Rekha ka la ong ba kane ka puron ka long shisha kata ka ‘India’s Most Icon ic Woman’.
Nalor ka Rekha ka Maria ka la iohlad ruh ban iakynduh bad ka Maha rani of Baroda ka Radhikaraje Gaekwad bad ioh ban iashondur lang bad ka.
