Torun, Lber:
Ka Bhagwani Devi Dagar kaba long kawei na ki briew ba la tymmen tam jong ka ri kata ha ka rta ba 95 snem bad kaba long ruh ka briew kaba ju ieid bad sngewtynnad eh ban shimbynta ha ki lympung ialehkai, mynta ka sien ka la lah ban khur ia ka takma Ksiar na ka jing-ialehkai Discuss Throw ha ka World Masters Athletics Indoor Championship kaba la long ha Torun, Poland.
Shuh shuh ruh ka tei ka nongialehkai kaba lah noh bha ka rta na ka jylla Haryana, ha ka 2022 World Masters Athletics Championships ha Finland ka lah shimbynta ha ka jingiakob mareh sted ba 100m bad katei ka nongialehkai ka lah pynher sted ialade shakhmat ban ia kiwei pat ki nongshim bynta ha ka kyrdan ialehkai katkum ka rta kata 90-94 bad rah syndon ia ka takma Ksiar na ka bynta ka ri.
