Mumbai:
Ka Mrunal Thakur kaba la shah weng noh na kawei ka phlim tang na ka daw jo ng ka Priyanka ka la pyn paw ba kam shim la duh jing kyrmen satia halor kane ha kaba ka la trei shitom bad kitkhia ia ka kam ka jam jong ka bad mynta ioh ruh ia ka lad ban ak phlim ym tang ha Bollywood hynrei wat ha Tollywood ruh kumjuh.
Katkum ka jingiathuh ka Mrunal ka la dei ban ak ha ka Gumraah hynrei shah weng noh syndon na kane ka phlim hadien ba la jied noh da ka Priyanka ban ak ia ka.
Ha ka jingsngew ba shimet jong ka Mrunal ka jingshah weng na ka Gumraah ka la ai mynsiem ia ka ba ka dei ban long kaba trei shitom khnang ba kaba kum kane kaei kaei kan ym wan jia shuh ia ka jingim jong ka hadien habud.
Ka Mrunal ha shwa ba kan rung ak phlim ha Bollywood ka la long shwa ka puron jong ki show ha TV bad ka la ak phlim nyngkong eh bad u Hrithik Roshan ha ka Super 30.
Hadien jong katei ka phlim ka la shim bynta sa ha ka Jersey bad kumjuh ruh shah tyrwa ban ak ha ki phlim Tollywood.
Ka la ak ruh kum ka Sita ha kawei na ki phlim Telegu bad kane ka phlim ka la iaid bad khring ia kiba bun ki nongpeitkai bad ioh jingiaroh ruh ha kajuh ka por.
