Los Angeles:
Ka phlim thymmai jong u Leonardo Di Caprio kaba direk da u Martin Scorsese la rai ban pyllait paidbah ha ka Cannes Festival ka ban sdang naduh ka 20 tarik u Jymmang ha kaba ia kane ka khubor la pynbna da ki bor ba dei peit jong ka Cannes.
Ka Killers of the Flower Moon kan long ka phlim banyngkong jong u Martin ka ban pyni ha katei ka tamasa hadien ba ula iohrah ia ka nam Best Director ha u 1986 na ka bynta ka”After Hours”.
Ka khubor ka iathuh ba u Martin ha u 1976 ula iohpdiang ruh ia ka Palme d’Or prize na ka bynta ka Taxi Driver bad ha u 1998 ula long u khliehduh jong kaJury.
Ki nongpyniaid jong kane ka tamasa lyngba ka khubor ba ki la pyllait paidbah kiba pynpaw ka jingsngewkmen bad ha kajuh ka por ka jingpdiang sngewbha ia u Martin sha kane ka tamasa mynta u snem.
Ha ka Killers of the Flower Moon la ak lang ruh da u Robert De Niro, bad la pynmih da ka Apple.
Ka khana jong kane ka phlim ka dei halor ka jingwad jingtip ia ka jingshah pyniap jong ki Native American tribe ha kawei na ki bynta jong ka US kaba riewspah bha namar ka jingdon ka umphniang ha u 1920s.
