Mumbai:
Hadien katto katne snem ka Priyanka Chopra bad Deepika Padukone ki la iakynduh biang mar khmat ha ka jingplie paidbah ia ka NMACC ha kaba kane ka long ka jingkmen bakhraw na ka bynta jong ki ha kaba naduh ka phlim Bajirao Mastani ba ki la ak bad shim bynta lang kine arngut shiparalok kim shim iohlad shuh ban iakynduh na ka daw jong ka kam.
Hynrei ha ka jingplie paidbah ia ka Nita Muk esh Ambani Cultural Centre ka lad ka lynti ka la plie biang ia ki ba kin iakynduh markhmat ban iakren iakhana bad nalor jong kine shiparalok ki la don ruh bun ki khlur ak phlim ka Bollywood kiba la wan ban sakhi lang ha ka jingplie ia katei ka Cultural Centre.
Wat lada ki ju mih ki khubor na ka por sha ka por halor ka jingkynad hapdeng ka Priyanka bad Deepika pynban ka jingkmen jong ki ban iakynduh markhmat ha ka jingplie ia ka NMACC bad ha kajuh ka por ka jingiapariah ha ka ktien ka thylliej ka pyni ba kam shim don kano kano ka jingkynad hapdeng jong ki bad ba kine shiparalok kim shim don kano kano ka jing iabuh shun ne iasniew.
I kumba ka Priyanka bad Deepika ki da ap khmih lynti shisha ban iakynduh lang ha ka NMACC ha kaba ka jing iakren iakhana jong ki i kumba kam shim la kut shuh.
Kiwei kiwei ki khlur ak phlim ka Bollywood kiba la wan ban shim bynta lang ha katei ka sngi ki long ruh ka Alia Bhatt, Kareena Kapoor Khan, Saif Ali Khan, Karisma Kapoor, Salman Khan bad Vidya Balan.
Ki nongkyrshan jong ka Priyanka bad Deepika hadien ba ki iohi ia ka jingikmen jong kitei shi paralok ban iakynduh lang ha katei ka jingleit shim bynta ki kwah ruh ban iohi biang ia ki ha ki phlim ha ki snem ban wan.
Ka Priyanka ka la wan poi ha India ha ka sngi thohdieng mynmiet bad ka la ialam lang ruh ia i khun kynthei i Malti Marie Chopra Jonas.
Ka Priyanka bad Deepika ki la sdang ban ialong paralok naduh ba ki la ak lang ha ka Bajirao Mastani kawei na ki phlim ba itynnad bha.
