Shillong, Ïaïong 02:
Ka Shillong Sports Asso-ciation (SSA) ka la pyntip ba ka la pynsangeh noh ïa ka lympung ïaleh-kai U-10 Boy Football League 2023 tang na ka bynta ar sngi.
Ka jingpynsangeh ïa kane ka lympung kan long tang ha ki ar sngi kata ha ka 03.04.2023 bad ka 04.04.2023 bad kane ka dei namar ka daw jong ka jingbym lait ka madan ïalehkai ha kine ki sngi.
Kumta na ka liang jong ka synjuk ka la pyntip ba ïa ka prokram ïalehkai kaba la dep ban buh ha kine ki sngi ba la pynsangeh yn sa pynbeit biang da kumwei bad ïa kaba yn sa ai jingtip, la ong u Bah SM Lyngdoh, uba dei u Football Secretary ka SSA.
