Mumbai:
U direktor ka Ghajini u AR Murugadoss ula iathuh halor ka jingthmu jong u ban shna bad pynmih sa ka bynta ba-ar jong kane ka phlim ha kaba nalor kane ula ong ruh ba ia kane ka phlim yn lam khmat biang da u Aamir Khan.
Ka Ghajini ka dei ka Hindi Remake jong ka wei na ki phlim Tamil bad kane ka long ruh ka phlim kaba itynnad bha.
Ka jingiathuh u Murgadoss halor ka jingthmu ban shna sa ka bynta ba-ar jong ka Ghajini ka dei ruh hadien ba ula iohsngew khubor ba bun ki nongpeitkai kila ngiah ban peit ia ki Pan-India Films.
Ka Ghajini wat lada ka dei tang ka remake pynban ka la khring ia kiba bun ki nongpeitkai bad kane ka phlim ka la pynlong ruh ia u Aamir bad ka Asin ban iohpdiang khusnam.
Ka dei ruh ka phlim kaba la ioh ban rung ha ka 100 crore club bad ka phlim kaba bun ki nongpeitkai ki la ai jingiaroh bha.
Hynrei ha shwa jong ka Ghajini 2 u Murga doss un dang bunkam ban pynkhreh ban leit ring ia kawei na ki phlim thymmai jong u ha Mumbai.
Une u nongshna phlim uba long ha kajuh ka por u direktor ula iathuh ba ka khana jong kane ka phlim thymmai kaba un shna ka dei kaba biang bha bad kaba u kyrmen skhem ruh ba kan lah bha ban khring ia ki nongpeitkai.
