Mumbai:
U direktor jong ka phlim Pathaan u Siddharth Anand u la kren halor ka jingiaid bha kane ka phlim bad ka jinglah jong ka ban khring ia ki nongpeitkai naba u sngew ba kane baroh ka dei namar ka jingieit jong ki nongpeitkai ia u Shah Rukh bad ka jingkwah jong ki ia une u tyngshop ba un paw pyrthei biang ha ka kam ak phlim kumba u long ha ki snem ba la leit.
U Sid uba direk ia artylli ki Blockbuster Film ka War bad Pathaan u sngew ba ki jingangnud jong u mynta ki la urlong ha kaba u ju thrang bha ban direk bad shna ia ki phlim kiba itynnad bad ki ban pynkhein ruh ia ka rekod ha ka Box Office.
Ka Pathaan kaba long ka phlim kaba la iaid bha ym tang ha India hynrei wat sha kiwei kiwei de ki ri ka pyrthei ka da pynheh mynsiem shisha ia u Sid ha kaba kane ka phlim wat hadien ka jingshah Boy cott pynban ka la pynsngap jar ia kito kiba Boy cott da kaba kamai bha pynban.
Ha ka jingsngew u Sid wat hadien ka jingshah khanglad kane ka phlim ka la ai jingkyrmen bad ai mynsiem ia kiwei kiwei de ki phlim Bollywood bad kane ka phlim kam shim la iaid bha ym tang namar ka khana hynrei ka jingieit kaba u SRK u ioh na ki nongkyrshan.
Ka jingiaid bha jong ka Pathaan bad ka War ka la pynlong ia u SRK mynta kum u ‘Number One Director’ka Bolly wood bad u Sid ula ioh mynsiem ha kaba iadei bad ka rukom direk phlim na u S.S. Rajamouli uwei na ki direktor ba kynsai ka Tollywood.
Ka jingiaid bha jong ka Pathaan ka la pynkhie im biang ia ka Bollywood kaba la sdang ban duh ban dam noh ka jingpawnam jong ka hadien ba kiba bun ki phlim ki la flop ha ka Box Office.
Ka jinglah ban kamai kane ka phlim ha ka Box Office ka la pynlong ia kiwei kiwei ki phlim ban ioh jingkyrmen lem ba ki lah ban iaid bha.
Hadien ka jingiaid bha ka Pathaan ka khubor kaba ioh mynta ka iathuh ba yn sa shna bad pynmih ruh sa ka bynta ba-ar jong kane ka phlim bad kane ka lah ban long ha u snem ban wan lane ha u 2025.
Ka Pathaan ka dei ruh ka phlim basaw kaba pyniakynduh lang ia u SRk bad ka Deepika Padukone.
