Los Angeles:
Ka Shakira kaba long kawei na ki nongrwai ba pawnam ha ka pyrthei mynta ka la pynkhreh ban mih noh na Spain bad la ki jong ki khun ki kti na bynta ban sdang thymmai ia ka jingim. Katkum ka khubor ba la ioh la iathuh ba katei ka nongrwai hadien ba ka la pyllait san shyieng na u Gerard Pique ka kwah ban im noh ka jingim tang bad ki khun.
Ka Shakira kaba la pait dohnud bha hadien ba ka la shah thok bad shah shukor ha u Gerard ka kwah ban iehnoh ia ka jingim barim bad kwah ruh ban ioh biang ia ka jingsuk jingkmen bad jingsngewbha kiba ka la duhnoh.
Shuh shuh kane ka nongrwai nalor kane ka kwah ruh ban shim khia biang ia ka kam rwai kumba ju long ha ki por bad snem ba la leit noh.
Kane ka nongrwai ka la tyrwa die noh ia kawei ka Mansion kaba don ha Spain kaba ka ju shong ju sah bad u Pique bad kwah ban leit sah noh sha Miami ha kaba bun ki bahaiing hasem bad ka kmie bad u kpa jong ka ki don ha katei ka shnong.
