Los Angeles:
U Chris Evans uba la shim ia ka rai ban nym ak shuh kum u Captain America ha kawei na ki interview ba ula shah khot sngewbha ula pynheh mynsiem khyndiat ia ki nongbud bad nongkyrshan jong u da kaba iathuh ba lehse ha ki snem ban wan u lah ban akbiang kum u Captain America ha kaba un sa rai bha halor kane ynda la dei ka por.
Ka jingiehnoh u Chris ia ka bynta kum u Captain America ka la pynsngewsih bad pyndukha mynsiem ia kiba bun naba ki dang kwah ban iohi biang ia u ha kaba iadei bad kane bad sngew ruh ba dei tang ma u uba biang bad iahap ban ak kum u Captain America.
Ka Marvel kaba pynmih ia ka Captain Ame rica ka da sngewdiaw shisha ia ka rai u Chris ban iehnoh ia katei ka bynta hynrei kam lah pat ban pynbor ia u.
Katkum ka jingiathuh u Chris ka daw ba ula rai ban iehnoh shwa ia ka Captain America ka dei tang namar ba u kwah ban pynleit jingmut ha kiwei kiwei pat ki phlim.
Naduh ba u Chris ula soi ban ak kum u Captain America ula hap ban pynleit jingmut bad shim khia beit tang ha katei ka phlim bad um shim ioh lad shuh ban peit ia kiwei kiwei ki phlim ha kaba kane ka long ka jingduhnong bakhraw ia u.
Mynta u snem ia u Chris ngin sa iohi ha ki katto katne ki phlim thymmai.
