Delhi, Iaïong:
Ka kam ialehkai kriket jong u Virat Kohli ha ka lympung ialehkai kaba mynta jong ka Indian Premier League (IPL) na ka Royal Challengers Bangalore (RCB) ka lah long kaba seisoh bad kaba jop, khamtam eh ha ka kam tied bol ka jong u ha kaba utei u rang-ialehkai u la lah ban kamai ia ki 50 ron na ka bynta ban ialam ia ka kynhun baroh kawei sha ka lynti jingjop ha ka jing-iakhun pyrshah ia ka Mumbai Indians.
Ka khubor ka iathuh ruh ba u Kohli naduh kaba sdang jong ka jingiakhun u la lah ban ialehkai bha ha kaba u la lah ban khyrwit ia ki 82 ron tang na ki 49 bol ha ryngkat ki jingiarap ki jong u na ki hynriew tylli ki 4 ron bad san tylli ki 6 ron. Kumta ruh katei ka jinglah jong u ban khur ia katei ka nam ka pynlong ia u mynta ban kynjoh sha ka sien kaba 50 jong ka jinglah jong u ban kamai ia ki 50 ron tam ha ka tei ka lympung ialehkai bad uba lah kylla long ruh u rang-ialehkai kriket ka ri uba nyngkongeh ban lah kynjoh sha katei ka thong.
Napdeng baroh ki rangialehkai jong ki kynhun ialehkai bapher bapher ha katei ka lympung, u nongtied nyngkong ka Delhi Capitals u David Warner u bat mynta ia ka kyrdan ba nyngkong ha ka thup da ki 60 sien jinglah jong u ban kamai ia ki sanphew ron tam ha ka tei ka lympung ialehkai.
Shuh shuh ruh u kapten jong ka Punjab Kings u Shikhar Dhawan u wan ha ka kyrdan balai ha ka thup baroh kawei da 49 sien jinglah kamai sanphew ka jong u bad u Kohli ia mynta u don ia ki 45 tylli ki sanphew ron bad 5 tylli ki spah ron halade.
