Shillong, Ïaïong 03:
Uwei u samla ka Jylla u Jovial Andre Laloo un pynkhreh ban ïashim bynta ha ka jingïakob pynher paragliding ba la tip kum ka ‘Paragliding Accuracy Pre World’ ka ban long ha Himachal Pradesh naduh 5 haduh 10 tarik mynta u bnai.
Kane ka prokram ka ban long ha Bir kaba ha Himachal Pradesh kaba la ju tip kum ka jaka pynher ïa ki Paragliding, ka la long kaba ar ha ka jingheh ha ka pyrthei ha kaba ka don ïa ka jingjrong kumba 5000 phut na sla khyndew bad kumba 8000 phut na sla duriaw.
Utei u samla uba na Mawprem, Shillong u la shah pyntbit ha ka shlem ai jinghikai jong ka Skylark School of Paragliding kaba na Himachal Pradesh.
