Los Angeles:
U tyngshop ka phlim Thor u Chris Hemsworth ula rai ban randien noh na ka kam ak phlim ha kaba ka daw halor kane ka dei hadien ba ula ioh ia ka jingshitom Alzheimer.
U Chris kum shi bynta ban sumar ialade na katei ka jingshitom kaba la wan lynshop ia u, ula rai ban randien noh shwa shipor na ka kam ba u trei. Une u tyngshop naduh ba u tip ialade ba u don ia katei ka jingshitom um shim la buhrieh ia ka bad ula iathuh ia kane sha ki nong kyrshan jong u.
Hadien ka jingwan lynshop katei ka jingshitom u Chris un hap ban kiar noh shwa na ka kam ak phlim bad kumjuh ruh ula hap ban sangeh syndon ban ak ia ki phlim kiba ula soi.
Ha ka jingshisha u Chris um shim la tip satia ialade ba ula ioh ia katei ka jingshitom hynrei dei ha u Naiwieng ba ki doktor kiba la ai jingsumar ia u ki la iathuh ba u don kam ban shim khia ban sumar ialade na katei ka jingshitom.
Ki khubor na Holly wood ki iathuh ba u Chris un hap ban ialeh katba lah ban pyndep noh ia ki phlim kiba ula sdang ban ak ha kine ki bnai ba la leit bad kyrmen skhem ruh ba un ioh ban wanphai biang sha ka kam ak phlim.
Tang shu dep pynmih ia ka Extraction ha u Jylliew u Chris un ialeh ban sangeh noh shwa ban ak phlim. Lada u Chris u randien noh na ka kam ak phlim kan long ka jingduhnong bakhraw ia ka Marvel namar ba kane ka kompani ka la kiew bha ha ki snem ba la leit na ki katto katne ki phlim ba u Chris ula shim bynta.
Ka jingpawnam bad paw pyrthei u Chris kum u tyngshop ka dei hadien ba ula ak ia ka bynta kum u Thor ha kaba kane ka bynta ka la pynlong ruh ia u ba un ioh jingiaroh na kiba bun ki nongpeitkai.
Kum u tyngshop u Chris ula shim bynta ha ki phlim kum ka The Aveng ers, Thor: The Dark World, Avengers: Age of Ultron, Thor: Ragnarok, Avengers: Infinity War, Avengers: Endgame, and Thor: Love and Thunder.
