Mumbai:
Ka Deepika kaba la khring ia kiba bun ki nongpeitkai da ka jingrwai ba ka shad lang bad u SRK ka Jhoome Jo Pathaan la ioh khubor ba kan sa shad biang bad une u tyngshop ha kawei na ki jingrwai na ka phlim Jawan kaba la ak ruh da ka Nayanthara.
Katkum ka khubor na Bollywood ka Deepika bad u SRK kila hap ban pynkhreh bha na ka bynta kane ka jingshad ha kaba ka dei ruh na ka jing rwai ba kyrpang jong ka phlim Jawan.
Ki nongai ktien na ka phlim Jawan ki iathuh ba ia kane ka phlim la dep lut ban ring bad mynta ka shong satang ban shu ring sa artylli ki jingrwai kiba iadei bad kane.
Ki jingrwai ba dang sah kin long kawei kaba u SRK un hap ban shad bad ka Nayan thara bad ka khubor hamsaia ka iathuh ba ka jingrwai kaba u SRK un shad lang bad ka Deepika kan dei kaba sngewbang bad sngewtynnad kumba long jong ka Pathaan.
Ki jingrwai na ka bynta ka phlim Jawan la thaw da u Anirudh Ravichander bad ia ka Jawan yn pyllait paidbah ha ka 2 tarik u Jylliew 2023.
Ka Jawan ka dei ruh ka phlim banyngkong kaba u SRK un ak lang bad ka Superstar Nayanthara.
