Shillong, Ïaïong 05:
U MDC ka Sohra, uba long ruh u CEM ka Khasi Hills Autonomous District Council (KHADC), Bah Titosstarwell Chyne u la ong u dang pynkhreh ïa ka projek ka ban tehlakam ïa ki ñiut ki ñier bad ka jaboh jabaiñ hapoh ka thaiñ.
“Na ka liang jong nga, nga dang pynkhreh ïa ka projek na bynta kumno ban tehlakam ïa kane ka jingeh haba ïadei bad ka ‘Solid Waste Management’,” la ong u Bah Chyne haba kren bad ki lad pathai khubor.
U la ong ba u la ïakren ruh bad ka Hima jong u Syiem Sohra haba ïadei bad ka jaka na bynta katei ka kam.
“Lada ka urlong, ngi lah ban leh eiei ïa kane ka jaka kaba dei ban bret ïa ki ñiut ki ñier kaba lum na ki shnong ki thaw,” u la ong.
Kum ban shu kdew hangne, ka Sohra ka dei ruh ka thaiñ ha kaba buh bah ki nongwan jngoh kai ki ju sngewtynnad ban wan shang kai pyrthei bad katei ka projek lehse kan ïarap shibun ha ka ban tehlakam ïa ka jingbret pathar ïa ki jaboh jabaiñ.
