Shillong, Ïaïong 05:
Ka Tura District Cricket Association ka la khur ïa ka nam lahduh ha ka lympung ïalehkai U-15 Inter District Cricket Tournament 2023 ba la pynïaid da ka Meghalaya Cricket Association. Kane ka wan urlong hadien ba ka lah ban pynliem noh ïa ka Shillong Cricket Association-A da 4 wiket ha ka sngi ba ar jong ka jingïakhun final kaba long ha madan Umbuda, Ri-Bhoi District.
Haba shimti ban tied shwa nyngkong hadien ba jop ïa kynting pisa hynnin ka sngi, ki nongtied ka SCA-A ki la shah pynkhyllem lut baroh na ka bynta ban kamai 101 run. Ka TDCA haba wan shimti ban beh ïa ka thong ka la ïoh 110 run bad shah pynkhyllem 10 wiket. Hadien kata, ka SCA-A ka la kamai tang 46/3 ha ka inning ba ar.
Hynne ka sngi ka SCA-A ka la kynjoh sha ki 101 run, ha kaba ka la ïeh ha ka Tura da 93 run ba kan khur ïa ka jingjop. Haba bteng na ki 25 run (not out) ba la tied da u Dipayan Nandi, ki nongtied ka SCA-A ki la khmih lynti ban ïalehkai bha, hynrei ki la shah pynhap wiket. U Aashih K. Lohar u la noh synñiang da kaba ïoh 18 run, hynrei ka SCA-A ka la kynjoh sha ki 78/9 bad hadien kata sha ki 100 run.
Ki nongkawang bol ka Tura kiba la lah ban pynhap mar ar wiket ki long u Manthan Gupta (4/20), Silgrim B. Marak 2/24 bad u Ben Haden N. Marak (2/48).
Wat la ka Tura ka la wan shimti ïa ka pali ba ar, hynrei u Agatchu Chetai K. Marak u la long u nongtied u ban ïoh bun da kaba kamai 28 run bad ruh la ïarap noh synñiang lem da ki paralok ba ïalehkai kane ka kynhun. U Sharma u la long u nongkawang bol ba kynsai da kaba ïoh 3/37.
Lyngba ka jinglah ban khur 6 wiket bad ka jingïoh ban khyrwit ïa ki 41 run, u Ben Haden u la ïohpdiang ïa ka nam ‘Player of the Match’, katba u Gupta uba la lah ban khur haduh 33 wiket, u la ïohpdiang ïa ka nam ‘Player of the Tournament’.
Ïa ki khusnam sha kine ki kynhun la sam da u President ka MCA u Naba Bhattacharjee ha ryngkat ka jingïadon lang kiwei pat ki dkhot.
