Hyderabad:
U Kichcha Sudeep uba long uwei na ki tyngshop ba paw jong ki phlim Telegu ula shim ia ka rai ban rung noh sha ka kam saiñ pyrthei bad pyniasoh bad ka seng Bharatiya Janata Party (BJP) ha kaba kane ka long ha shwa ka ilekshon ka ban long ha Karnataka.
Ha kawei na ki Press Conference ba une u tyngshop ula wan shim bynta ha ryngkat ka jingiadon lang u Myntri Rangbah ka jylla Karna taka u Basavaraj Bommai u Kichcha ula pynbna ia ka jingpyniasoh jong u bad ka seng BJP.
U Kichcha uba la 51 snem u dei uwei na ki tyngshop ba paw bha jong ki phlim Telegu bad uba don ruh bun ki nongkyrshan. Ki khubor ki iathuh ruh ba imat u Kichcha u lah ban kiar noh syndon na ka kam ak phlim hadien ba ula rung sha ka kam saiñ pyrthei bad lehse kane kan long ha kine ki snem ban wan.
U Kichcha uba la ak ha ka Vikrant Rona kawei na ki Pan Indian Film kaba la kamai bha ha ka Box Office um shim la shah pynbor hangno hangno ruh ban rung sha ka kam saiñ pyrthei ha kaba kane ka dei ka mon sngewbha jong u.
Haba iakren halor ki phlim u Kichcha ha shwa ba un rung sha ka kam saiñ pyrthei ula dep ruh ban soi haduh 3 tylli ki phlim thymmai kiba un ak mynta u snem.
