Los Angeles:
Kawei na ki kompani pynmih phlim ka Hollywood ka Warner Bros ka la rakhe ia ka jingdap 100 snem jong ka jingiaid lynti jong ka ha kaba kane ka kompani kaba la seng ha u 1923 da ki shipara ka dei kaba la pynmih ia spah tylli ki phlim ba itynnad ha kine ki snem ba la leit.
Ka Warner Bros kum ka kompani pynmih phlim ba la slem jong ka Hollywood ka la iohlad ban pynmih ia ki phlim kum ka Bugs Bunny, Bat man Casablanca bad Har ry Potter bad ha kajuh ka por kane ka kompani ka la iohlad ruh ban pynmih ia ki Silent Films.
Naduh ka spah snem ba 20 ka Warner Bros ka la iohlad ban pynmih ia ki phlim kiba sahnam bad kiba iaid bha jong ka bad kiba la iarap ruh ban kyntiew ia kane ka kompani katba dang iaid ki por wat lada ka la don ka jing iakhun bajur bha ha Holly wood hapdeng ki kompani pynmih phlim ban ioh pynmih ia ki phlim ba itynnad.
Nalor jong ki phlim ka Warner Bros ka la pynmih ruh ia ki Cartoon kynthup ki Looney Tunes,Merrie Melodies,Daffy Duck, Porky Pig bad kiwei kiwei kiba la khring bha ia ki khynnah rit.
Ka Warner Bros ka la noh synniang bha ha kaba iadei bad ka jingpynmih phlim jong ka bad ia rap ruh ban kyntiew ia ka Hollywood na kawei ka por sha kawei pat.
Wat lada kane ka kompani pynmih phlim ka la mad shibun bha ki jingeh bad ki diengpyngkiang pynban kane kam shim la khanglad ia ka jingiaid lynti jong ka ha Holly wood.
Haduh mynta ki ph lim ba la pyn mih da kane ka kompani ki dang khring ia ki nongpeitkai bad la sakhi ruh ia kane kum ha ka phlim Wonder Woman bad Aquaman kiba la kamai bha ha ka Box Office.
Ki Nongpeit kai bunsien ki ju kynthoh ia kane ka kompani halor ki phlim ba ka pynmih da kaba ong ba kim da long biang than ka khana haduh katta katta bad kane ka la pynlong ruh ia ki bor ba dei peit jong katei ka kompani ban shim khia ban pdiang ia kane ka jingkynthoh jong kiba bun da kaba pynbiang bad pynjanai ia ki phlim ba ka pynmih ba kin long kiba iaid.
Kum ka kompani ka Warner Bros ka la sei ruh ia ka sap ak phlim jong ki katto katne ki tyngshop bad puron bad iarap ruh ban kyntiew ia ka kam ba ki trei bad kito kiba la iadei kam bad kane ka kompani ki da sngewheh mynsiem shisha halor kane.
