Mumbai:
U Sidharth Malhotra u la shah thung kum u nongrah ktien ka John Players ha kaba une u tyngshop mynta u bnai yn sa pynbna ia ka Spring Summer’23 Collec tion.
Ka John Players ka dei kawei na ki kompani pynmih jaiñ na ka bynta ki shynrang bad kum shi bynta ban kyntiew bad ban pyniaid iew ia ki riam ki beit ba kane ka kompani ka pynmih ka la jied bad thung ia u Sid kum u nongrah ktien jong ka.
Kane ka kompani mynta u snem ka la shim khia ban pynmih ia ki riam ki beit kiba long katkum kane ka por ba mynta bad kumjuh ruh ka ban khring ia ki khynnah samla.
Hadien ka jingmih jong kiba bun ki kompani jaiñ ka John Players ka la shem jingeh bha ban khring ia ki samla shynrang ban thied ia ki riam ki beit jong ka bad dei ruh na kane ka daw ba ka la jied da u Sid uba don ia ka dur ka dar kaba biang bad ka rynieng ryniot ban long u nongpynbna jong ka.
U Nitin Sehgal uba long u Business Head jong ka John Players ha ka jingai jingkren sha ki lad pathai khubor ula iathuh ba mynta kane ka kompani ka la ioh syndon da u nongmih kh mat bad u nongrah ktien uba paka bha u ban iarap ruh ban kyntiew ia kane ka kompani ha kine ki snem ban wan.
U Sid haba iakren halor ka jingshah thung kum u nongrah ktien ka John Player u sngew ba ka don kaei re kaei kaba pyniajan ia u bad katei ka kompani naba ialade u long ruh u briew uba sngewtynnad bha ban riam ban beit sha kino kino ki jaka ba u leit shim bynta.
