Da U ESSJE
U Khasi u don ka bor pyrkhat bad ka jingngeit ba u wan sha kane ka pyrthei ban KAMAI IA KA HOK kiwei kiwei ki niam ruh ki ngeit ia kane ka bynta. U Khasi u pynshong nongrim ialade bad U Blei – halor KA HOK, KA IAID HOK, KA LEH HOK BAD KA KAMAI HOK ha kiei kiei baroh. U iaid tang kawei ka lynti kata, ban KAMAI IA KA HOK bad um nang ban leh arsap halor kane ka bynta.
Teng teng ngi iohi ha kane ka juk mynta,ba don kiba leh tynneng, kum ki riewhok riew shida ban pynpaw sha ka pyrthei kum ki riewblei ba shisha, hynrei ki don pat ka buit ban shet shukor ia ki riew lui lui, kine ki dei kita KI SURI KUP SNIEH LANGBROT. Kine ki jait jingthaw kim salia ban shet shukor ia U Trai Nongbuh Nongthaw U ba la wanrah ia ki sha kane ka pyrthei ban KAMAI IA KA HOK.Don lei lei kiba kum kine ki riew rangbah kiba khmih lynti ba ki paidbah kin iaroh ia ki haba ki kren shaphang kane ka bynta (subject) KAMAI IA KA HOK. Kiba kren pyrshah ia kine ki nongkren ki ong, U INGKHONG SHYLLANG MAT. Kaba pyng-lyngngoh shuh shuh ia kiba bun ba lang ba ki iaroh ia kitei ki nongkren kiba kren ia katei ka bynta (subject) KAMAI IAKA HOK. Ki da ong kume, PHI IOHI u bapli u wan sha kane ka pyrthei ban KAMAI IA KA HOK, bad U Trai Nongbuh Nongthaw u la kyrkhu haduh ba u la kit spah da ki klur tyngka, i kumba un kdor sa u budlum, u da ioh ban tei ka ïing paki dulan, wat la ka jingioh jong u ka ia pher bak – ly – bak naka kam ba u trei. Naei keiñ u ioh katne katne la kylli uwei u rangli bapli, imat u mane Blei iaka spah (tyngka) mo ade ? Haba u briew u la mane Blei iaka tyngka, um don shuh, kata ka jingiatip lem bad u thom naphang tang ban ioh ia katei ka jingthmu.Kine ki riew arsap ki nangbha ban pyni sha ka pyrthei iaka jinglong babha bad riew khuid jong ki – ki long kiba pnah ktien haduh katta katta, wat ha ka niam ruh ki don kum ki ne ki jait jingthaw. U B. B. Lyngdoh (bam kwai ha dwar U Blei) uba la long Chief Minister ka Meghalaya u kren ia kine kiei kiei ha ka jingthoh shaphang ka jingim jong u ha ka saiñ pyrthei bad kiwei kiwei. “My experience in public life and others reflection’ u ong kumne, ‘A man who steals and a man who received stolen goods are equal sinners and are liable for the same punishment under the Indian Penal Code, Certain Church leaders are joyfully receiving money stolen from the Government, Co – operative Societies, from Bank, Clubs etc they are corrupting the people.’ Ha ka ktien Khasi ka mut kumne, don ki rangbah niam kiba kmen haba ki ioh ia ka tyngka tuh na ka sorkar, Co – operative Societies, Banks, Clubs bad kiwei kiwei, ki hap hi ha kajuh ka jingpynshitom kum ki nongtuh hi, katkum ka aiñ. Kine ki pynjngut ia ka jinglong briew man briew bad ka hikai ruh ia ki jingbam sap(KAMAI BYM HOK) U Bah Bring ha katei ka juh ka kot u ong kumne,(‘Beware of moral religious pride,’ the most discussting in a man, ‘is the holier than thou altitude, Moral and religious pride may be the worst, it tries to build hypocracy which is unforgivable sin !) Ha ka ktien Khasi ka mut kumne, sumar bha ia lade na kine kiba sngew sarong ia ka jinglong bha bad ka jingkit niam jong ki.Kaba pynsohsat ia ka bor pyrkhat jong u briew ka long ba don kum kine kiba sngewhok ba tang manga ban ia kiwei kiwei. Ka jingsngew sarong hok ban ia kiwei kiwei, ka long kaba sniew palat bad kane ka wanrah iaka jinglong arsap ha u briew bad ka long ka pop ka bym lah ban map dalei lei ruh. U Babu Soso Tham u la kren shaphang kane ha ka Duitara Ksiar shaphang KI DAW JONG KA JINGLEIT JING-IASENG kaba phylla ka long ba balei u ne u Myllung u kynriah balang shawei pat ? ka shong eh ha ki riewstad ka juk mynta kiba pule ha ki University ban wad ia ka tynrai jong kine kiei kiei. Haka kitab u Mathaios Lynnong 7 Dkhot 21 ‘……………… shibun kin ia ong hanga ha kata ka sngi, AH TRAI AH TRAI, ngim shym la ialap ha ka kyrteng jongme ? ngim shym la beh ia ki ksuid ha ka kyrteng jong me ? ngi ngim shym la leh ruh ki kam bha ha ka kyrteng jong me ? ynda kumta nga ruh ngan ong pyrshah ia ki, ngam ju la ithuh ia phi : Khie leit noh na nga, phi kiba ju trei bymman. Haba pyni ia ka film Mother Theresa ba khuid ha Soso Tham Auditorium nga iohi shwa ia ka film u Purno Sangma (Late) ba u kren ha ka Parliament.
Ha kane ka jingkren jong u u tei u M. P. u la ong kumne haba uwei na ki para M. P. u la kylli ia ka Mother Theresa ba khuid, ba kumno nga lah ban long u briew ba janai haka jingim jongnga. Ka Mother Theressa bakhuid ka la ong kumne, lada phi long u Hindu, phi dei ban long u Hindu babha bad lada phi long u Muslim phi dei ban long u Muslim babha bad lada phi long Khristan phi dei ban long u Khristan babha etc. Na kane lah ban ring dur ka pleng mana la ka niam ki don ki babha bad kiba bud hok ia ka jinghikai ka niam haka jinglong jong ki. Don ar jait ki Khristan, ki Khristan kiba pynpaw sha ka pyrthei ia ka jinglong Khristan bad ki Khristan ki bym pynpaw bad ki shu leh ia ki kam katkum ka jinghikai U Trai. U Khasi um sngewtynnad ia ka bam ei ne iohei bad ka map ei. U Khasi u don ka jingngeit haba wan hap ka shitom ka lanot ha ka ïing ka sem, u da wad ia ka daw balei ka leit long kumne la ka dei na ka daw ïing ne na kano kano ka daw. Haba u lap ia ka daw u dwai u phirat ba U Blei Trai Kynrad u Nongbuh Nongthaw ba un pyllait ia U bad ia ka ïing ka sem baroh kawei bad ki longdien jong u ruh. Haba kut lad u Khasi u ong, katba mon ma ki ki Blei. U ngeit ruh ba um ju bsa ia ki khun ki kti da ka KAMAI BYM HOK kata kaei kaei kaba u ioh naka ba bam sap, bym klop bad kaba ioh da ka khñiot beiñ (exploit) ia ki briew kiba tlot bad ba rangli. Ka jingbsa ia ki khun ki kti da ka KAMAI B YM HOK ka long kaba sang, tieng ioh ka wan hap ka lanot ha ki khun ki kti. U Blei U long U Babha bad lada u briew u pyndep iaka jutang bala ia teh bad U Blei, U Blei U Kyrkhu kyrdoh ia u bad ka longdien jong u kaba phyrnai.
Ka long kaei kaei kaba phylla,ba ha ka por ba ngi dang leit skul, ngi shem la jan baroh ki khun ki kti jong ki nonghikai ki long kiba long briew man briew lut ha ka jingim jong ki. Kine ki long ki soh ka jingkyrkhu U Blei iaka jingtrei shitom jong ki, kim don lynti ban bam sap ne ban bam klop, ki im da ka KAMAI HOK. Ka juk mynta ka dei ban peit nuksa ia kitei ki nong hikai skul. La thoh shakhmat shaphang kane kiei kiei. U Khasi u ngeit ruh ba ka mar iohei ym bit ban rah sha ïing. Ngi kynmaw haba dang khynnah, uwei na ki paralok u la ioh tam ei ia ka lut San Tyngka na surok hynrei ki kmie ki kpa kim shah ia u ban wan rah sha ïing ia kata ka tyngka ne ban thied ia ki mar ki mata ban wanrah sha ïing ki kheiñ ba ka long kaba sang ban pyniakhleh lang bad ka kamai umsyep. U Khasi u ngeit ruh ia ka NONGKYLLIANG, The Philosophy and essence of KA NIAM KHASI.Ka NONGKYLLIANG katkum ka jingsngewthuh jongngi, ka long kumba phi bet kumta phin ot. Lada u briew u leh kano kano ka kam babha U Blei Trai Nongbuh Nongthaw u kyrkhu ia ka pateng jong u ba kan long kaba phyrnai. Hynrei lada u briew u leh pyrshah ia kaei kaei ia ka mon U Blei – ka jynjar ka lanot ka hap ym tang ha u hynrei wat ki longdien jong u. Ia kane la dep pyni shakhmat ha kane ka jingthoh.
Ki nongialam ka Ri kiba mynshwa kum I bah B. B. Lyngdoh, S. D.D. Nicholsroy, H. Hynniewta, Prof. G. G. Swell, D. D. Pugh bad M. N. Swer bad kiwei kiwei kim shym la iohnong ei ei da ka jingshakri ia ka Hills State. Don pat kiba sngewthuh bakla ia ka ktien MAPEI. Ka don ka jingshisha ba ia ki pop jongngi la bah khala ban MAPEI. Don kiba rieh tngen ha ka ktien MAPEI bad ki leh ia ka juh shi kajuh ka pop ba ki tip ban ioh MAPEI. Haba U la MAPEI ia ki pop ka mut ba ngim leh shuh ia kita ki pop bad ngin kylla kaba mut bad ban panmap shi panmap bad ban MAPEI ka long ka bym long bad kaba ym lah ban map.
