Patna, Iaïong:
Uwei na ki nongialehkai pynmareh kulai ka ri u Hriday Chheda u lah shah jied mynta na ka bynta ban mihkhmat ia ka ri sha ka 19th Asian Games ka ban sa long ha Hangzhou, China. Utei u rangialehkai un shimbynta ha ka kyrdan Dressage jong katei ka lympung ka ban long naduh ka 23 tarik u Nailur haduh ka 8 tarik u Risaw, 2023.
Kumba ka paw ka long ba u Hriday u lah pynseisoh ia ka kam ialehkai jong u ha ka jingiakhun ha ka Intermediate I level Dressage ha India bad ha UK ruh kumjuh.
Kumta utei u rang-ialehkai ba 24 snem u long uwei na ki nongniah Kulai uba khynnah tam ban khur ia ka jingjop bad rah ruh ia ka trophy National Champion ha ka Prix St George Level ha u snem 2015, da kaba jop ruh ia ka Advance Dressage ha ka Zone 8 ha ka FEI World Dressage Challenge ha u snem 2014.
