Shillong Ïaïong 07:
Lai ngut ki dkhot jong ka Hynñiewtrep Achik National Movement (HANM) ki la shah kem noh halor ka jingbyrngem ïa ki nongwan jngoh kai bad ïa u trai jong kawei ka ‘Guest House’ kaba don ha Mawdiangdiang.
U Superintendent of Police, East Khasi Hills, Bah Sylvester Nongtnger ha ka Sngi Palei u la ong ba katto-katne ngut ki dkhot jong ka HANM ki la leit sha Miracle Spring View Guest House kaba don ha Mawdiangdiang ha ka step 3 tarik mynta u bnai bad byrngem ïa ki nongwan jngoh kai jong katei ka ‘Guest House’.
Kitei ki nongwan jngoh kai ki la wan sha Meghalaya na bynta 2 sngi ban leit jngoh ïa ki jaka mane bad ki kam jngoh kai pyrthei.
U SP u la ong ba ki dkhot ka HANM ki la byrngem ruh ïa u trai jong ka ‘Guest House’ kaba la pyntieng ïa u trai bad ïa ki nongwan jngoh kai kumjuh.
Haba ïadei bad kane, la ujor mukotduma ha thanat Rynjah bad ha ka Sngi Palei la kem noh ïa kitei ki 3 ngut.
Ki pulit ka East Khasi Hills ki la maham pyrshah ïa kito kiba shim ïa ka aiñ ha ki kti lajong da kaba pynthut ïa ka jingrung jong ki nongwan jngoh kai sha ka Jylla.
