New Delhi:
U MM Keeravani, Raveena Tandon bad ka Sudha Murthy ki la shah pynkup burom da ka Padma Awards ha ka President ka ri kaba long ha Rashtrapati Bhawan, New Delhi ha ka sngi Balang.
Ka khubor na Bollywood ka iathuh ba nalor ki khlur ak phlim la pynkup burom lang ruh ha katei ka sngi ia u Nongialam ba la khlad noh jong ka seng Samaj wadi Party u Mulayam Singh Yadav bad ha kajuh ka por ia u Medical Professional Dilip Maha lanabis bad kiwei kiwei.
Ia ka kyrteng jong kiba shah pynkup burom da ka Padma Award 2023 la pynbna ha ka jingrakhe ia ka Republic Day bad mynta u snem la don haduh 106 ngut kiba la jied ban shah pynkup burom da katei ka khusnam bakhraw.
Ha ka 1st Civil Invest iture Ceremony kaba la long ha ka 22 tarik u Lber ka President ka la ai jingbit ban sam ia 3 tylli ki Padma Vibhushan, 4 tylli ki Padma Bhushan bad 47 tylli ki 47 Padma Shri na ka bynta mynta u snem.
U Nongthaw jong ka jingrwai ‘Naatu Naatu’, u Keeravani ruh ula shah pynkup burom da ka Padma Shri halor ka jingwanrah nam bad burom jong u ia ka ri, kumjuh ruh ka Raveena Tandon bad ka Sudha Murthy kaba dei ruh ka kurim jong u nongseng ka Infosys ka Sudha Murty kaba la leh shibun ki kam babha na ka bynta ka imlang sahlang.
