Los Angeles:
Ka Disney ka la pyllait khubor ba ka bynta basan jong ka Indiana Jones kan dei ruh ka bynta ba khatduh eh jong kane ka phlim ha kaba hadien jong kane la rai ban yn nym pynmih shuh ia kiwei kiwei pat ki bynta.
Ka Indiana Jones kaba long ruh kawei na ki phlim ba itynnad bha jong ki snem ba la leit bad kaba la lam khmat da u Harrison Ford la rai ban pynkut noh syndon ia ka tang ha ka bynta basan ha kaba kin ym mih shuh kiwei kiwei ki bynta hadien kane.
Ka bynta basan ka ban pynmih noh ha u Jylliew kan sa long kaba itynnad bad kaba pher na kiwei kiwei pat ki bynta bad naduh u 2008 ym shim la iohlad shuh ban pynmih ia kiwei kiwei ki bynta tad haduh mynta.
U Director James Man gold ha ka jingiakren bad ki lad pathai khubor ula ong ba ka long kaei kaei kaba sngewtynnad bad pynheh mynsiem ia u ban ioh direk sa ia kawei pat ka bynta jong kane ka phlim.
Ka rai ban pynkut noh ha ka bynta basan ia ka Indiana Jones ka dei ruh tang namar ka jingbym lah shuh u Harrison Ford ban ak biang ia kane ka phlim ha ki snem ban wan.
Ha kajuh ka por u Harrison ula dep kren lypa ba um kwah mano mano ban ak ia katei ka bynta jong u bad kane ka bynta kan kut noh tang lada um kwah shuh ban ak ia ka.
Ha kaba iadei bad ka bynta bathymmai jong ka Indiana Jones la rai ban pynmih bad pyllait paidbdah ha ka 30 tarik u Jylliew da ka Disney bad Lucas Films.
