Shillong, Ïaïong 09:
Ka Meghalaya Editors’ and Publishers’ Association (MEPA) ka pynpaw ïa ka jingsngewsih kaba khraw halor ka jingkhlad noh jong u Bah Sumar Sing Sawian uba long u nongthoh khubor uba la rangbah bad uba la noh synñiang shibun sha ka kam pathai khubor ha ka Jylla.
Ka jingkhlad noh jong u ka long ka jingduh kaba khraw ïa ka kam thoh khubor ha ka Jylla.
Halor kane ka jingjia ba sngewsih, na ka liang ka MEPA ka phah ïa ka khubor sngewlem sha ki bahaïing hasem jong u Bah Sumar bad ka duwai ba U Blei un ai ka jingpyntngen ha kum kane ka por ba sngewsih. Kane ka long katkum ka kyrwoh na u General Secretary, MEPA, Bah John W. Thabah.
