Shillong, Ïaïong 10:
Ka Hynñiewtrep Integrated Territorial Organisation (HITO) Shangpung Area West Jaiñtia Hills ha ka 10 tarik mynta u bnai ka la ai da ka ejahar (FIR) halor ka jingkhyllem ka jingkieng ïaid kjat ha ka shnong Moolichah, Shangpung ha West Jaiñtia Hills.
Katkum kane ka ejahar ba la ai da u President bad General Secretary ka HITO Shangpung Area ha thanat Raliang, la ong ba katei ka jingkieng ka la khyllem ha ka por kumba 1:15 eiei mynsngi ha ka 9 tarik Ïaïong 2023. La ong ruh ba kane ka jingkhyllem ka jingkieng ka dei namar ka daw jong ka jingleh sting ka tnat kaba pyntrei ïa kane ka jingkieng bad kata ka dei ka Soil and Water Conservation jong ka sorkar jylla.
Namarkata, ka seng ka kyntu ïa ki pulit ba kin tohkit halor katei ka jingjia bad ban pynsaja katkum ki kyndon jong ka Prevention of Corruption Act 1988 namar katei ka jingkhyllem ka la long na ka daw jong ka jingbym ler ka tnat Soil and Water Conservation ban pyntrei katkum ka mang tyngka ba la bhah.
