Beijing, Iaïong:
Ka China ha ka Lah Sngi U Blei ka la pyntuid ia shibun tylli ki jhad thma jongka sha ki duriaw ka Taiwan, ha kaba ka la ong ba katei ka long ka jing pynkilan ia ki tnat shipai duriaw bad tnat liengsuiñ ka China naka bynta ka jingshngaiñ jong ka China bad ka Taiwan hi, ha ki por ki ban wan.
La ioh jingtip ruh ba da ki khat’ tylli ki liengsuiñ thma jong ka China ki la leit ban iaid tawiar sawdong ia ka Taiwan ha katei ka jingpynkilan ba la kam da ka China.
Ha ki khyndiat sngi ba la leit, ka China ka la pynbna ba kan pynlong ia ka jingkilan ia ki liengsuiñ thma jongka, kiba kit ia ki kuli bad ki ‘namding bad kiba yn pyn kilan hajan jong ka Taiwan.
Kumta ruh la ong ba kitei ki liengsuiñ thma ki kynthup ia ki liengsuiñ H-6K Fighter kiba ju pyndonkam bha da ka China.
Kumjuh ruh na ka liang ka tnat iada ri jong ka Taiwan, ka la pyntip ba 11 tylli ki jhad thma bad 59 tylli ki liengsuiñ ki la leit ban ker tawiar ia ka Taiwan ha katei ka jingpynkilan ba 3 sngi jong ka China.
Namar la ong ba ka tnat Eastern Theatre Command ka dang pyniaid ia katei ka jingpynkilan ha kylleng jong ka Taiwan.
