New Delhi:
Ka Dia Mirza kumba la mih khubor kan sa ai jingkren halor kawei ka Documentary jong ka UN kaba la ai kyrteng ‘Big Ocean States’ ha kaba ha kane ka Documentary lane ka phlim lyngkot ka Dia kan sa kren halor ka jinglong donkam ban ai jingiada ia ki jingim kiba don ha ki duriaw bad kumjuh ruh kumno ban pynkhuid bad pynsuba ia ki duriaw kiba long ki jaka shong jaka sah jong ki jait jingthaw bapher bapher.
Ka Dia kaba la ak ha ka Bheed ha kane ka phlim lyngkot kan sa ban jur ruh halor ka jingiap jong ki mrad kiba im ha duriaw tang na daw jong ka jingleh jongngi ki briew ha kaba ngi leit ban bret ia ki jaboh jabaiñ bad ha kajuh ka por ki plastik kaba long ma haduh katta katta.
Kane ka puron ha kajuh ka por kan sa ai jingkren ruh halor kumno ba ki la don ki ri ka pyrthei kiba la pyrshang katba lah ban teh lakam ban ym bret jaboh shuh sha ki duriaw bad ha ka juh ka por kiba la khang lad ruh ban pyndonkam ia ki plastik bad kiwei kiwei kiba wanrah jingma ia ka imlang sahlang.
Haba iakren halor kane ka phlim lyngkot ba ka Dia kan kren, kane ka puron kaba long ruh ka Goodwill Ambassador jong ka UNEP bad ka UN Secretary General’s Advo cate for SDG, ka sngew ba ka long ka burom bakhraw eh ia ka ban ioh don bynta bad katei ka phlim lyngkot jong ka UN bad khamtam lei lei ban ioh kren eiei ha kaba iadei bad kumno ban ai jingiada ia ki duriaw.
