Nongstoiñ, Ïaïong 11:
Ka kynhun ïalehkai jong ka Youngsters Football Club na South West Khasi Hills ka la khur ïa ka nam lahduh ha sngi pynkut ïa ka jingrakhe jingdap 25 snem lane Jubili Rupa jong ka Nongjyllieh Youth Sports Social and Development Organization (1998-2023) ha ka Lah Sngi U Blei.
Katei ka nam tam jong ka Youngsters FC ka la wan hadien ba ka lah ban pynliem noh ïa ka Nangkiew FC na ka thaiñ Mariam da 4-1 kol ha ka jingïakhun final kaba la long ha katei ka sngi ha madan Photumtong.
Ka Youngstar FC kum ka lahduh ka la ïoh ban rah ïa ka song pisa kaba T.20,000 ryngkat ka trophy, katba ka Nangkiew FC kum ka nam rem ka la ïoh T. 10,000 ryngkat ka trophy.
Ha katei ka sngi ïa ka nam Best Goalkeeper la khur da u Wiko Kharjahrin na ka Youngsters FC bad bad u rangthep kol ba kynsai (Topscorer) la ïoh da u Wantiplang Syiem na ka Nangkiew United FC bad ïa ka nam kum u rangïalehkai (Best Player) ba kynsai la ïoh da u Firstborn Ïawphniaw ka Youngsters FC.
Ha kane ka sngi ka klob hashwa ban pynlong ïa ka jingïalehkai phutbol, ka la pynlong ruh ïa ka jingïalang pynkut ïa katei ka jingrakhe da ka jingpynkup burom ïa ki nongïalam barim, ki nongseng, ki President barim bad ki General Secretary da ka jingsakhilang ki seng longkmie, ki executive dorbar jong ka shnong Nongjyllieh, ki nongshong shnong bad ki ’riew rangbah jong ka thaiñ bad kiwei kiwei ha kaba u Bah Nestingdar Nongdkhar u la long kum u kongsan.
