Mumbai:
U Salman Khan hadien ka jingshah byrngem biang ha u Lawrence Bishnoi u la shim ia ka lad ban thied ia kawei ka Bulletproof SUV khnang ba un shngain ha ka leit ka wan.
Une u tyngshop ha kane ka kynti ba mynta imat ula kham phikir ia la ka jingim hadien ba u Lawrence Bishnoi u la maham bad byrngem ban leh ia u kumba u leh ia u nongrwai Punjabi u Sidhu Moosewala.
Ka khubor na Bolly wood ka iathuh ba u Salman u la thied da ka Bulletproof Nissan Patrol Luxury SUV bad u Salman ula ioh ruh ban pyndonkam nyngkong eh ia ka ha ka jingleit shim bynta ha ka jingplie paidbah ia ka NMACC ha Mumbai.
Kane ka kali Bullet proof ba la thied da u Salman ka wan lang ruh bad ka ‘B6 lane ka B7 Levels of Protection’. Ka khubor ka iathuh ba kane ka kali ka shongdor haduh 20 million bad i kumba u Salman um shim la bynnud ban thied ia katei ka kali kaba rem tang ban shngain ka jingim.
Ka jingshah byrngem jong u Salman na ka por sha ka por ka la pynsyier mynsiem bha ia ki bahaiing hasem jong u kiba sngew ruh ba u donkam bha ban phikir ia ka iaid ka ieng.
Haba iakren pat shap hang ki phlim ia u Salman ngin sa iohi ha ka Kisi Ka Bhai Kisi Ki Jaan kaba yn pynmih ha ka jingrakhe ia ka Eid bad kumjuh ruh ula ak lang ha ka Tiger 3 bad ka Katrina Kaif.
Kumjuh ruh un sa ak ha ka phlim thymmai jong uwei na ki nongshna phlim u Sooraj Bhar jatiya.
