Mumbai:
U Aamir Khan uba la ak ha ka Laal Singh Chaddha ula khuslai jingmut hadien ba ki nongpynmih jong ka Dhoom 4 ki la shim ia ka rai ban pynak noh da ki tyngshop kiba dang kham i samla ha kane ka phlim ha kaba u Aamir uba la khmih lynti bha ban ioh ak biang ia katei ka bynta ula sngew bynñiaw halor kane bad rai bad ong ba un iakhun beit ban ioh long u nonglam khmat kane ka phlim.
Ka Dhoom 4 ka dei kawei na ki phlim thymmai kaba bun ki nongpeitkai ki kwah ban iohi noh bad u Aditya Chopra u nongpynmih jong kane ka phlim ula shim ruh ia ka rai ba un ialeh ban leit ring ia ka mynta u snem khnang ban ioh pynmih pat ha ka kut snem.
Ha ka Dhoom 4 u Aditya u sngew ba u Ranbir bad Ranveer ki biang bha ban ak ia ka bad kane ka jingpynbna u Aditya ka la pynsngewsih bha ia u Aamir uba la ap khmih lynti ban ioh don bynta biang ha kane kumba long ha ki snem ba la leit.
Ki khubor ki iathuh ba ka jingbym iaid jong ka Laal Singh Chaddha ka dei kawei kaba la pynlong ia u Aditya ban sngew artatien ban pynak biang ia u Aamir ha kane ka phlim bad rai ban pynpher noh ia ki tyngshop khn ang ba kan lah ban khring ia ki nongpeitkai.
Ka Dhoom ka long ruh kawei na ki phlim iashoh ba itynnad jong u Aamir bad ka jingthung noh da kiwei ki tyngshop ban ak ia ka, ka la pyndiaw mynsiem bha ia u Aamir u bym shim poi pyrkhat.
