Shillong, Ïaïong 12:
U nongïalam ba Rangbah ka United Democratic Party (UDP) u Bah Metbah Lyngdoh u la ong ba kam don kano kano ka jingma ïa ka seng namar ka jingmih ka Voice of the People Party (VPP).
U Bah Metbah u la ong ba ka VPP ka dei kaba thymmai, bad ki paidbah ki dang peit khmat ïa ka UDP kum ka seng riewlum kaba kham khlaiñ.
Une u President ka UDP u la ong ba ki seng ki wan ki leit, hynrei ka UDP ka dei ka seng riewlum kaba neh ha ki babun ki jinglong jingman bad jingtynjuh kiba eh.
Nangta, u la ong ba ka UDP ka la lah ban ïoh kham bun ki MLA mynta ka ilekshon 2023 na ka 6 ngut sha ka 11 ngut kaba pyni ba ki paidbah ki shaniah ha ka seng.
Haba kylli halor ka jingbujli Myntri markylliang ha ka UDP, u Bah Metbah u la ong ba mynta ki don 2 ngut ki Myntri Sorkar na ka UDP, u Bah Paul Lyngdoh bad u Bah Kyrmen Shylla bad ym pat don ka jingïakren shaphang ka jingbujli markylliang tangba ha ka saiñ pyrthei kam dei kaba shu neh sah kumto.
