Mumbai:
Ka khubor na Bollywood ka iathuh ba ki pulit ka Mumbai ki la ioh ban kem noh ia uwei u khynnah samla uba dang 16 snem uba la donkti ban byrngem pyniap ia u Salman ha kaba hadien ka jingkem ia une u samla la aiti noh ia u sha ka Azad Police kaba ha Mumbai ban pynlong ka jingtohkit.
Ki tyllong khubor ki iathuh ba u Salman ha ka sngi nyngkong ula ioh biang ia kawei ka jingbyrngem pyniap ha kaba kane ka la jia ruh tang hadien katto katne taiew na ka jingshah byrngem pyniap ha u Lawrence Bishnoi.
Hadien ba u Salman ula shah byrngem biang ha-ka sngi nyngkong la leit ban ujor sha ki pulit ka Mumbai kiba la shim khia halor kane bad ha ka jingwad jingtip la lap ba uwei usamla uba dang 16 snem ula-donkti halor kane.
Ki pulit ki lap ba u briew uba la byrngem pyniap ia u Salman u dei uba na Shahapur kaba don ha Thane kaba jngai kum ba 70 km na Mumbai. Shuh shuh ki pulit ka Mumbai ha ka jingiakren bad ki lad pathai khubor ki la iathuh ruh ba uwei u briew uba la tip kyrteng kum u Roki Bhai ula byrngem pyniap ruh ia u Salman ha ka 30 tarik mynta u bnai bad une u briew u dei uba na Rajasthan’s Jodhpur.
Ka jingshah byrngem kaba manla ka por jong u Salman ka la pynlong ia une u tyngshop ban shim khia bha halor kane bad kumjuh ruh ban pynjur shuh shuh ki nongap pahara.
U Lawrence ruh ula byrngem biang ia une u tyngshop da kaba ong ba lada um panmap halor kaei kaba u leh ha ki snem ba la leit un sa leh ia u kumba leh ia u Sidhu Moosewala.
