Los Angeles:
‘Ka Jennifer Garner ka la shim khia ban nym ailad ia ki khun ki kti jong ka ba kin pyndonkam ia ka Social Media ha kaba kane ka jingleh jong ka Jen ka dei ban ai jingiada ia la ki jong ki khun naba ka tip shai ba ka Social Media ka dei kaba sniew lada ym nang ban pyndonkam bad dei ruh na kane kaba la pynlong ia ka ban ialeh katba lah ban pynkiar na ki khun.
Ka Jen ka sngewthuh shai ba ki khun bad ma ka ruh kumjuh kin ym suk mynsiem lada ki shah kynthoh ha ki paidbah bad katba lah ka ialeh ban pynkiar beit ia ki na kane.
Kane ka puron kaba la 50 snem bad kaba la don ruh 3 ngut ki khun i Violet, Seraphina bad Samuel na u Ben Affleck ka ju hikai ia ki khun ba kim dei ban shah khring ha ki Social Media kum ka Facebook, Twitter ba Instagram bad ai jingmut ia ki ba kin shim khia ha ka jingpule jong ki.
Ka Jen ka sngewthuh shai ba bun ki khynnah samla ki la shah khring bha ha ka Social Media bad dei ruh kane kaba la ai jingmut ia ka ba kan pynkiar ia ki khun katba lah na kane.
Hynrei ha kawei pat ka liang kane ka puron jong ka ’13 Going On 30′ ka la shim pat ialade ia ka lad ban pyndonkam ia ka Social Media ban iasam lang bad kiwei pat ia ki jingsngewtynnad jong ka, ki kam ba ka trei bad khamtam lei lei ha kaba iadei bad ka shet ka tiew.
