C.B Iawphniaw
Ka surok na Mawphlang haduh Weiloi ka long ka surok kaba la rim bha katba ngi kynmaw. Hynrei kane ka surok haduh mynta ka shah iehbein ym don jingpynbha bad pynneh. Ka surok ka dap da ki thliew ki syar. Lada ph leit mynta ruh ka surok ka long khohruh khohram khamtam naduh Lyngïong haduh Tyrsad. Ka long kum ka surok khlaw ba iaid kit dieng ki trok Four – Wheel ym shuh kum ka surok iaid kali kit briew.
Ki nongmih khmat kiba iaid barobor na kane ka surok ki long jong ka Ranikor Constituency, ka Mawsynram constituency, ka Mawkyrwat constituency bad ka Mawphlang constituency. Te balei kine ki saw ngut ki nongmihkhmat kim kyntu tyngeh ia ka sorkar ban shna pynbha ia kane ka surok kaba la shah ieh bein da bun phew snem. Ki paidbah ruh ki shu hun imat katba leh ki nongmihkhmat. Dei na kane ka daw ba kane ka surok ka shu sah lyngkrang kumto da ki phew snem khlem da maramot pynbha ia ka.
Ka surok ka dei u thied snam ka jaitbynriew ka dei ban pynbha bad pynheh namar ka long ka surok kaba dei iaid lyngba bun ki shnong kiba jngai shaduh bakut ka Ri Khasi ban leit poi shaduh ki district ki Garo ne Achik ka bynta sepngi ka Jylla. Kane ka surok ka dei leit sha ki thaiñ Mawkyrwat, Nongnah, Ranikor, Balat Borsara bad sha ki thaiñ Lawbah haduh Hat Mawdon khap pud ka Bangladesh. Ka long ka surok kaba dei iaid lyngba bun phew tylli ki shnong shaduh Nongjri, Nongkulang ka thaiñ South West Khasi Hills kaba long ka bynta ka Ri Khasi sepngi.
Kumta kum u briew ba kwah ki surok ba bha bad ki kam pynroi pynpaw la i donkam ban pynpaw na ka bynta ban suk ha ka leit ka wan jong u paidbah salonsar.
Namar barabor ngi ki paidbah ngi kwah ki surok kiba bha bad kiba kylluid ban suk ka leit ka wan na kawei ka jaka sha kawei pat. Kane ka long ka jing-kwah ki paidbah ka Bri u Hynñiewtrep.
