Mumbai:
Ka Deepika Padukone lane Katrina Kaif kin sa ak ha ka Aashiqui 3 ha kaba kane kan dei ka phlim kaba ym lam khmat da u Kartik Aaryan.
Ka Aashiqui 3 kan long kawei na ki phlim jingieit ba itynnad bha bad ka jingiakren ha kaba iadei bad ka jingthmu ban pynmih sa ia kane ka bynta ka la long naduh u snem ba la leit.
Na ka bynta kane ka phlim yn sdang ban leit ring naduh u Nohprah mynta u snem bad lah pat ban pynmih haduh ki bnai ba pdeng u 2024.
Hadien ba la pynbna ia ka kyrteng u Kartik kum u nonglam khmat mynta la wad ruh sa ia ka puron ka ban shim bynta lang bad u bad ki nongpynmih jong kane ka phlim ki la ioh ruh arngut ki puron kiba iahap ban ak ha kaba kine ki long ka Deepika lane Katrina bad kin hap ban jied mano napdeng kine arngut kiba biang.
Ka la don ruh ka jing iakren hangne hangtai ba lehse ka Deepika ka lah ban shah jied ban ak ha kane ka phlim namar ba kane ka puron la bunsien la ka kren halor ka jingkwah jong ka ban ak phlim lang bad u Kartik.
Ha kaba iadei bad ka Aashiqui 3 yn direk noh da u Anurag Basu.
