Nongpoh, Ïaïong 13:
Ha kawei ka jingjia mynta ka sngi la ïathuh ba ki pulit ka Ri Bhoi hadien ba ïoh jingtip na u Rangbah Shnong ka 9 Mer Baridua, ki la lap ïa ka metïap jong uwei u rangbah napoh kawei ka kali kamai kaba don ïa u number AS01-FC-6912 kaba la sangeh harud surok hapoh ki bynta jong ka ïew 9 Mer Baridua kaba don mar pyrshah bad ka khyrdop ktem CRPF.
Ïa utei u briew uba la khlad noh la tip kyrteng kum u Mitun Sen, khun jong u Amol Sen na ka shnong Jayanagar kaba dang hap hapoh ka jingkhmih jong ka thanat Beltola ka jylla Assam.
Kumta na ka liang ki pulit hadien ba pyndep ïa ka jingtohkit ki la pynkit noh ïa katei ka metïap sha Civil Hospital Nongpoh na ka bynta ban pyndep ïa ka ‘post mortem’ ban lap ïa ka daw tynrai halor ka jingkhlad jong utei u rangbah.
