Los Angeles:
Ka Citadel ka la long kawei na ki show kaba la shna ha ka dor kaba rem bha naba ka la wan ha ka kyrdan ba ar bad ha ka jingpynlut pisa ka long haduh $300 million.
Kane ka show kaba la ak da ka Priyanka Chopra bad Richard Madden bad kaba la pynmih da ka Amazon Studios ka la remdor namar shibun kiei kiei kiba kham pher kiba don hapoh jong ka.
Ha shwa jong ka Citadel, ka The Lord of the Rings: The Rings of Power ka dei kawei na ki show ba rem bad wat haduh mynta ym pat shim la don kano kano ka show kaba yn shna ha ka dor kaba rem kumba long ia ka.
Kawei ruh ka daw kaba la pynlong ia kane ka show ban long kaba remdor ka dei namar ba ha ka por ba la dep ban ring ia ka mar shiteng u Josh Appel baum bad u Daniel Weil ki la pynbna ba kin iehnoh ia ka bad u Joe Russo uba la shimti noh ia kane ula hap ban sdang biang ia ka naduh kaba sdang bad ka jinglut ka la long arshah.
Ha kaba iadei bad kane ka show yn pynmih da u Joe bad Anthony Russo bad la rai ban pynmih noh ia ka ha ka 28 tarik mynta u bnai.
Kiwei kiwei kiba la don bynta lang ha kane ka show ki long ruh u Stanley Tucci, Lesley Manville, Osy Ikhile bad Ashleigh Cummings.
