Mumbai:
U Shah Rukh Khan bad u SS Rajamouli ki la don kyrteng ha ka thup Time’s 100 Most Influential List ha kaba man la u snem ka Time Magazine ka ju jied ia ki briew kiba kynsai bad kiba ai mynsiem ruh ia kiwei lyngba ki kam ba ki trei ban ioh don bynta ha kane ka thup.
Mynta u snem ha katei ka thup u SRK bad u Rajamouli ki la long ki nong India ki ban don kyrteng bad kane ka long lyngba ki kam ba ki trei kaba ki la ioh jingiaroh na kiba bun ki nongkyrshan.
U SRK uba la pynkhie im biang ia ka kam ak phlim da kaba ak ha ka Pathaan kaba long ruh kawei na ki Blockbuster Film ula khring biang ia ki nongpeitkai da ka bynta ba u shim ha katei ka phlim ha kaba bun hi kim shim poi pyrkhat ban iohi ia ki bynta bapher bapher ba une u tyngshop un ak ha kane ka phlim.
Hadien 4 snem ba ula jah na Bollywood u SRK ula wan mih pyrthei biang ban khring ia kiba bun lyngba ka Pathaan bad dei ruh lyngba kane ba ka Time Magazine ka la jied ia u kum uwei na ki ban don bynta ha ka Time’s 100 Most Influential List.
Haba phai pat sha ka liang jong u Rajamouli une u direktor ula khring ia ki nongpeitkai da ka phlim RRR bad ka Naatu Naatu ka jingrwai na kane ka phlim ka dei ruh kaba la ioh ban pdiang bun tylli ki khusnam kynthup ruh ka Oscars.
Ha ka thup jong ka 100 Most Influential People kiwei kiwei kiba la don kyrteng ki kynthup ruh u President ka US u Joe Biden, King Charles, Sara Mardini and Yusra Mardini, Supermodel Bel la Hadid, Billionaire CE O Elon Musk bad ka nong rwai Beyonce.
Ka jingdon kyrteng u SRK bad Rajamouli ha katei ka thup ka kaei kaei kaba la pynkmen bad pynheh mynsiem bha ia ki khlur ak phlim jong ka Bollywood kiba la ai khublei ia ki halor ki kam ba ki trei.
