Los Angeles:
Ka Kim Kardashian wat hadien ka jingbym shah khot ban leit shim bynta sha ka MET Gala 2023 pynban ka la rai ban leit shim bynta beit bad sngew ba kane ka tamasa ka dei kawei kaba khring bha ia ka.
Ki khubor ki iathuh ba ka Editor-in-Chief jong ka Voque ka Anna Wintour kam shim la khot ia ka Kim ne ia ki dkhot ka iing ka sem jong ka longiing Kardashian sha ka Met Gala 2023 ha kaba ka daw halor kane ka dei namar ka jingthmu jong ka ban pynduna ki nongwan shim bynta mynta u snem.
Ki lad pathai khubor ki iathuh ba ka Kim kaba long ka nongseng jong ka SKIMS kan sa wan shim bynta ha ka MET Gala ha ka 1 tarik u Jymmang bad nalor jong ka, ki wei kiwei ki dkhot ka longiing Karda shian ki ban wan shim bynta kin kynthup ruh ka Kris Jenner, Ken dall bad Kylie Jenner.
Ka Kim ka la wan shim bynta nyngkong eh ha ka MET Gala ha u 2013 lem bad u kurim u Kanye West. Ha u 2022 ka Kim ha ka jingwan shim bynta ka la phong ia ka sopti jong ka Marilyn Monroe kaba la buh sah kynmaw ha kawei ka Museum bad ka la shah kynthoh ha kiba bun ha kaba iadei bad kane.
Mynta u snem ka theme jong ka MET Gala ka dei kaba pher bha bad ki nongwan shim bynta ha kane ka rynsan kin long ki khlur ak phlim, nongrwai, Model, nongshna phlim bad kiwei kiwei.
