Los Angeles:
Hadien 8 snem ba ka la iapait iapra ki dkhot ka kynhun rwai One Direction ki la shim ia ka rai ban ialong biang kawei bad kane ka kynhun kan sa wan ban shim bynta lang ruh ha ka sngi ba khatduh ba u James Corden un pynkut ia ka jingpyniaid jong u ia ka ‘The Late Late Show’.
Ki dkhot ka One Direction kiba kynthup u Harry Styles, Liam Payne, Louis Tomlinson, Niall Horan bad Zayn Malik kin sa iakynduh biang ha ka sien nyngkong hadien 8 snem ha ka show ba khatduh jong u James Corden bad ha kajuh ka por rai ruh ban ialong biang kawei kumba long ha ki snem ba la leit.
Kane ka jingiakynduh lang jong baroh ki dkhot ka One Direction ka dei hadien ba baroh ki la iarailang halor kane.
Ka One Direction ka la pait la pra noh hadien ba u Zayn Malik ula iehnoh nyngkong eh ia ka ha u 2015 na ka daw ba u kwah ban rwai noh marwei.
Tang hadien katto katne snem sa kiwei kiwei de ki dkhot jong kane ka kynhun ki la iamih lang noh bad khatduh la pynduh pyndam noh syndon ia ka One Direction.
Ha ka show ba khatduh eh ba u James Corden un pyniaid ki ban wan shim bynta kin kynthup ruh u Tom Cruise, Ben Affleck, Mila Kunis, Seth Meyers, Kate Hudson, Bryan Cranston, Billy Porter bad Sharon Stone.
U James Corden ula pyniaid ia ka Late Late Show la bun bun snem mynta ha kaba la wan ban shim bynta da ki nongrwai bad khlur ak phlim.
