C. B. Iawphniaw
Baroh ki jaitbynriew bapher bapher ki long kiba u Blei u la thaw kyrpang. Ha ngi ki khasi tang teng ki mih ki jingthoh kiba pynpaw lyngba ki nongthoh khana puriskam ba ka jaitbynriew Khasi ka long ka jaitbynriew kyrpang kaba u Blei u la pynlong bad u la thaw. Hooid u Blei u la thaw kyrpang ym tang ia ngi ki Khasi kum ka jaitbynriew kaba kyrpang. Katba ha ka ktien u Blei ne ka Baibl u Blei u la thaw kyrpang ia ka jaitbynriew Jie ne Israel ha sla pyrthei. Kum ki briew ngi ia kam beit ba u Blei u la thaw kyrpang tang ia ka jaitbynriew jongngi ym ia kiwei. Kiwei ki jaitbynriew ruh ki kam ba u Blei u la thaw kyrpang ia ki na ki jaitbynriew ka pyrthei. Ka Baibl ka ong, lada phi ktah ia ka jaitbynriew Israel ka long ba phi ktah ia ka pylliew khmat iong jong u Blei. Ban shim na kane ka jingong ha ka Baibl dei tang ka jaitbynriew Israel kaba u Blei u la thaw kyrpang na ki jaitbynriew baroh ha sla pyrthei.Hato phin ngeit ia kaba kum kane ka jingong ba dei tang kawei ka jaitbynriew kaba u Blei u la thaw kyrpang. Hato ia kiwei ki jaitbynriew ha satlak ka pyrthei mano ba la thaw ia ki? Ym dei ba thaw u Blei. Haba u Blei u la thaw ia ngi ki briew u la ong, To ngin ia thaw ia u briew ha ka dur jongngi katba kum ka jingsyriem jongngi hi. Kumta ia u briew la thaw ha ka dur jong u hi ha ka dur jong u Blei kein, u la thaw ia u shynrang bad kynthei u la thaw ia ki (Jenesis) U Blei u khlem u khlem batai shai ia kane ka jaitbynriew kaba lieh snieh doh lane kaba iong snieh doh bad kiwei kiwei. U Blei u la thaw beit ia u briew. Te lada ngi ong ba u Blei u la thaw kyrpang tang ia ngi ki Khasi ka long ba ngi knieh noh ia ka bor jong u Blei.Kum kane ka jait jinghikai ka long kaba ma bad kaba ialam sha jingsngew pher jaitbynriew. Kumta ngi dei ban phai ha u kum ka jaitbynriew khlem da pynrem ia kiwei ki jaitbynriew kiba u Blei u la buh bad thaw bynriew hangne ha sle pyrthei. Ka shong ha u Blei ban rai ia kane ka jaitbynriew u la thaw kyrpang ha kane ka sla pyrthei.
